Trébol de cuatro fueyes:
fai qu'alcance esta nueche
les mios estrelles.
Camisa de culiebra:
dai voz a esta palabra
que nun me medra.
Cuquiellín de mayo:
dexa que salga´l sol
de la mio mano.
Cuervu de mal agüeru:
ofrezme enantes qu'agua
sede y deséu.
Agua bendito:
nun me descifres nunca
qué ye tar vivu.
(C) Aurelio González Ovies
Poemes n'asturiano
Esta luz tan breve
Saltadera, Oviedo. 2008
Realización: María García Esperón
Música: Acroyali. Yanni.
MMX
